Екі елдің арасында қалыптасқан дипломатиялық қарым-қатынастардың мерейтойына, сондай-ақ Финляндия тәуелсіздігінің 100-жылдығына орай КАЗГЮУ Университетінде дипкорпус, мемлекеттік органдар, БАҚ өкілдері және университет оқытушылары мен студенттерінің қатысуымен салтанатты шара өтті.
Қонақ дәрісін оқыған кезде, Финляндияның Жоғарғы әкімшілік сотының бұрынғы төрағасы д-р Пекка Халлберг құқық үстемдігін дамытудағы диалог Қазақстан мен Финляндия арасындағы ынтымақтастықтың маңызды бөлігі болып табылатындығын белгіледі және мемлекеттік билікті жүзеге асыруда фин тәжірибесінің үлгілерін келтірді.
Дәрістен кейін КАЗГЮУ-дың жанында салтанатты түрде 25 шырша отырғызылды.
Финляндияның ҚР-дағы елшісі Илкка Райсанен мырза белгілегендей, екі елдің арасында тығыз байланыстардың орнатылғанын, сондай-ақ өте кең сауда әрі инвестициялық мүмкіндіктердің барын белгіледі.
– Финляндия мен Қазақстан арасында Қазақстан тәуелсіздігін алған сәттен бастап-ақ достық қарым-қатынастар орнатылды. Қазақстан Финляндияның Орталық Азиядағы ең маңызды саудалық әрі инвестициялық әріптесі, ал Финляндия Қазақстанның Солтүстік Еуропадағы өте маңызды саудалық әріптесі болып табылады, – деп белгіледі Елші.
Тығыз байланыстардың мысалы ретінде, ол Финляндияның ЭКСПО-2017 көрмесінде жеке өзінің ұлттық павильоны бар жалғыз скандинавиялық ел екенін келтірді. Шара “Тиккурила” және “Хонка” фин компанияларының, Фин ұлттық павильоны өкілдерінің қолдауы арқасында орын алды.
