2018 жылғы бітірушілеріміз КАЗГЮУ Университеті үшін ерекше түлектер. Биылғы жетістігіміз – 119 түлектің Елордамыздың тарихында алғаш рет Майнор бағдарламасын тәмәмдағаны жайлы сертификат алуы болды. Майнор — бакалавриатта оқып жатқан студенттерге жаңа білім жүйесінде енгізілген қосымша мамандану. Мысалға, болашақ экономист адам ресурстарын басқару саласы бойынша қосымша білім алса, болашақ аудармашы қонақ үй бизнесі бойынша білімін жетілдіреді.
М.С. Нарикбаев атындағы КАЗГЮУ Университеті жұмыс беруші халықаралық серіктес ұйымдар мен халықаралық кәсіби сертификаттау агенттіктерімен бірлесе құрастырылып, бекітілген 10-нан астам Майнор ұсынады.
Биылғы оқу жылында 10 түлегіміз қонақ үй бизнесі саласында сертификат алса, 69 түлек HRM сертификаттарына ие болды, қалған 14-і маркетинг майнорын сәтті тәмәмдап, 18 түлек PR, бір бітіруші финанс саласын қосымша профиль ретінде таңдап, арнайы сертификатқа ие болды. 9 түлек халықаралық CIMA бағдарламасын, 12 түлек сертификатталған ICAEW курсын оқып шықты.
Анжелика Лемонджава, Назгүл Әбішева,, Ислам Каимов, Ерболат Сансызбай, Асланбек Кұздұкпай, Анастасия Калинина, Айжан Адамбекова CIMA, ACCA, ICAEW халықаралық сертификаттарында есепке алынатын арнайы курсты тәмәмдады. Бітіруші студенттерімізге Университетіміздің мәртебесін болашақта да арттыра беріңдер деп тілейміз.
