«M.S. Narıkbaev atyndaģy KAZGUU Unıversıteti» АҚ жанындағы оқу-әдістемелік бірлестік консультативтік-кеңестік орган және заң білімін жетілдіру бойынша мемлекеттік саясатты жүзеге асыру, «Құқық» бағыты бойынша дайындықты жүзеге асыратын жоғары оқу орындарының қызметін үйлестіру мақсатында жоғары оқу орындары мен жұмыс берушілердің, қауымдастықтар өкілдерінің қатысуымен пікірмен алмасу үшін ашық алаң болып табылады.
Аталған отырысқа Қазақстан Республикасы Парламенті Мәжілісінің депутаттары С.Ф. Бычкова, К.С. Мусин, білім вице-министрі М.М. Дауленов, сондай-ақ ҚР БҒМ Жоғары және жоғары оқу орнынан кейінгі білім департаменті, ҚР Әділет министрлігі, «Атамекен» ҰКП, «Kazakhstan Bar Association» заң консультанттарының палатасы, «Қазақстан заң кеңес» заң консультанттары палаталарының қауымдастығы, ҚР Жоғарғы Соты жанындағы Соттардың қызметін қамтамасыз ету департаментінің және ҚР жоғары оқу орындарының өкілдері қатысты.
Отырыс барысында «Заң білімі және заң кадрлары туралы», «Кәсіби заң қауымдастықтарының білім беру бағдарламаларын аккредиттеуі», «Жоғары және (немесе) жоғары оқу орнынан кейінгі білім беру ұйымдарында академиялық адалдықты қамтамасыз ету» мәселелері, сондай-ақ білім беру сапасы үшін ЖОО-лардың жауапкершілігі, бейресми білімнің нәтижелері секілді мәселелер талқыланды.
«Құқық» бағыты бойынша мамандарды даярлауға мемлекеттік білім беру тапсырысын қалыптастыру туралы ұсыныс жасалды, бұл мемлекеттік қызметтегі білікті заңгерлердің тапшылық мәселесіне ықпал етіп, мамандарды даярлау сапасы үшін жоғары оқу орындарының жауапкершілігін арттырады.
– Жоғары оқу орындарының білім беру бағдарламаларының сапасына тәуелсіз кәсіби бағалау жүргізу керек, осыған орай, кәсіби заң қауымдастықтары білім беру бағдарламаларын аккредиттеу мәселесін қарастырған кезде және жоғары оқу орындары бәсекелестікке түскенде, заң қызметтері нарығының заманауи талаптарына сай келетін сапалы білім беру бағдарламалары ұсынылатын болады.
– Отырыста Қазақстан Республикасы Конституциясының және Қазақстан халқы Ассамблеясының 25-жылдығын ұйымдастыру және өткізу жөніндегі іс-шаралардың ұлттық жоспарын орындау аясында Қазақстан Республикасындағы конституциялық даму мәселелеріне арналған Қазақстан